القصيدة الاولى

قصيدة بدع ورد بين السبيعية والشاعر بن منشار، تحمل طابع التحدي والفخر بين الشعراء، مع تصوير بليغ للمواقف والردود الشعرية الأصيلة

 

البدع من السبيعية:

انشدوا منشار وين اهله وداره

هو من الكفار والا المسلمين

ما شكينا لك تشرفنا بزياره

ما نحن من خطر مثلك مستحين

 

الرد من بن منشار

بنت ياللي مركبك وسط الغمار

لاكبرت وين عاد بتركبينِ

مركبك فوق احمراً يقدح شراره

لين طبلونك يعادي الاربعينِ

 

البدع من السبيعية

احسبك من نجد وأثرك من جداره

حضرت اجفون الضيوف الواقدينِ

اكفنا ذالليل لا يكبر شراره

عابراً للخط وش بينك وبيني

 

الرد من ابن منشار

واحليلك معك رخصه واستماره

ناجحة واهل العمايم صاقطينِ

صحبة اللي مثلكم ما هي خساره

درجيها عليسار وعليمينِ