قصيدة طال الغياب وما حدن جاب الأخباري

طال الغياب وما حدن جاب الأخباري
ياليت من يدري متى أشوف جدي

شهرين يا جدي بكت عقبك الدار
عود فشوقي زاد عن كل حدي

يا جد في بعدك غدا القلب في نار
والفكر شارد بين جزري ومدي

الله يجيرك من تصاريف الأقدار
ويرجعّك سالم ونسقيك شهدي

الحزن خيم فوقنا يا بن منشار
ترى بدونك حل بالعين سهدي

ارجع لنا يا شيخ وش فيك وش صار
طولت غيباتك على غير عهدي

يا رب رد الغايب اللي رعـى الجـار
مقري الضيوف وشوفته بس سعدي