قصيدة تشيل الجروح وتشتكيني على الماره

تشيل الجروح وتشتكيني على الماره
سلى قلبي اللي فارقوني بدون أسباب
وطال الفراق وطيفهم ماتت أزهاره
الامن تذكرت الغرام الذي ينساب

من المبسم اللي ما تحملت باوزاره
تثنى ومناني وغنى وقلبه ذاب
وساقت ورود الحب بالوادي أنهاره
ومن عقب سافرنا وصرنا من الأغراب

وعزّ الوصال وما درينا عن أخباره
عسى الله يسهل له طريقه مع الأحباب
وانا ما أطرد المقفين ونفوس محتاره

الا يا رهيف الروح يا عاشقي المرتاب
ترى من عشق ضحى ولا هان مقداره
نسايمك لو جتني قريتك بدون حساب

وصنت الوداد وناسك اليوم غداره
اشوفك على شط الهوى ملتهي ثلاب
تشيل الجروح وتشتكيني على الماره

وانا ما لقيتك شي ماشي وشي غلاب
ولا شفت منشأ منك بجناح طياره
شربتك ضما قطرة ندى بلّت الأعشاب

سمعتك صدى فكري وللخافق أنواره
ضحكتك هوى ذقتك عصاير من الأعناب
بسمتك خيال وعشتك الفن وأدواره

خذيتك لرحلة بالفضا والفضا خلاب
وحول السفينة طارت صحون دواره
وفي بحر عينك شوق يسري من الأهداب

وفوق الخدود اللوتس ولمسة أزهاره