قصيدة القصة اللي كانت أول روايا – نقد العولمة والتقليد الأعمى

القصة اللي كانت أول روايا
ما عاد يعرفها هل العولمية

والفكرة اللي ما تحب الزوايا
نشر الصور بالساحة العالمية

حسبي على أهل الخافقات الخوايا
الشلة اللي بالردى حالمية

حلاقة الأشناب وأهل العبايا
يقلدون العالم الظالمية

أهل التشبه بالحريم الطوايا
وأهل العقول الخرس والبالمية

ما همني في الحق كثر السرايا
أنا وقيدي وأقدر أقف لمية

لكن طعن الظهر جزّ الحنايا
وجدي وجود مفارق السالمية

اللي يواجهني بصدق النوايا
وإن غبت عود بالقفى مقلمية

علّه بسبع لين بقر الحوايا
ويموت غبن وموتته معلمية

الحاسد اللي جوف قلبه غوايا
يموت من حسده وكسرة لمية

يالله تكفينا الحسد والرزايا
رب الفلق وأرواحنا مسلمية