قصيدة اليوم الوطني السعودي – شعر وطني عن الملك عبدالعزيز

في يوم الوطن ذكـرى عزيـزه للنفـوس
ذكرى سيرة الباني الملـك عبـد العزيـز

ذكـرى خالـده بيـن البشـر فيـهـا دروس
جعله من هل الجنه وفـي مقعـد عزيـز

حكّم شرع رب البيت ماهي بالطقوس
وانـجـز درة التـاريـخ فــي وقــتٍ وجـيــز

من عشقه لها جت لابسه حلة عروس
واختالت بتاج الديـن رغـم اهـل النشيـز

وحد شملنا والخلق في حربٍ ضـروس
بالحكـمـه ولـلاسـلام فــي قلـبـه اريـــز

ثبت ركن ملكه بالوفاء ماهـي هجـوس
يـوم الغيـر قابـع تحـت سطـو ولـه فزيـز

فكره جاوز اهل الشرق وامريكا وروس
اطهـر ارض فيهـا البيـت والـحـد الحـريـز

الله يرحمه حاز الشـرف تحـت التـروس
رغـم الفـقـر يـغـدق للـكـرم كـفـه نجـيـز

مـن عدلـه ودينـه طاعتـه كـل الـرؤوس
بيبـان الـكـرم للشـعـب مفتـوحـه ومـيـز

مات وخلف افذاذ العرب مثل الشموس
في دربه وتخطيطه مشوا رغـم الهزيـز

الله يرحم الـي مـات والحـي امحـروس
مـن رب السمـاء والعـدل منهـم مايميـز

واليوم الملك عبـدالله بالـروح امغـروس
حبـه فـي قلـوب الشعـب دايـم مايحيـز

وولي العهـد سلطـان ياطيـب الغـروس
جـوده ينجـد المحتـاج مـن مثلـه يجـيـز؟

والاسره وشعب المملكه بالحب قوس
الـوانــه تـســر الـعـيـن فـــاق الانـقـلـيـز